Decálogo verde

O Papa Francisco, na Encíclica Laudato Si, responde a estas cuestións cunha invitación a reflexionar e participar nunha auténtica ecoloxía humana (LS 5), porque "non hai dúas crises separadas, una ambiental e outra social, senón unha soa e complexa crise socio-ambiental" (LS 139). Insiste en que o gran desafío é responder á crise económica, social e ambiental que hoxe ameaza ao planeta e á humanidade; onde os pobres son as principais vítimas. Chámanos a "Escoitar tanto o berro da terra como o berro dos pobres" (LS 49).

Desde "Enlázate pola Xustiza" querémonos sumar a esta misión compartida cunha campaña de dous anos, coa que pretendemos sensibilizar e animar ao compromiso. O "Coidado da Creación" supón un modelo distinto de desenvolvemento, xusto, solidario e sustentable, cunha cidadanía global disposta a implicarse e a mudar os seus hábitos de consumo e un estilo de vida centrado no ter. As comunidades cristiás temos que "vivir a vocación de ser protectoras da obra de Deus" porque non é "algo opcional nin un aspecto secundario da experiencia cristiá" senón unha esixencia da nosa fe e do anuncio do Evanxeo (LS 217).

Como parte da Campaña vaise utilizar un decálogo inspirado na Encíclica [1], que resume os retos fundamentais aos que nos enfrontamos. Cada dous meses abordarase un dos 10 principios a través da reflexión, a oración, o testemuño dos empobrecidos, os compromisos persoais e as propostas de acción.

1. Izuzquiza, D. SJ. "Decálogo verde para el siglo XXI" en Razón y Fe, tomo 272 (pax 195-205) nº1404, Outubro de 2015.